Ne qytetin tone te Pejes sportet kane qene gjithemone tradite e suksesshme, e posaqerisht sportet ekstreme sikur qe jane bjeshkataria,skijimi,alpinizmi, ngjitja ne shkembinje, e nder keto edhe hulumtimi i shpellave, apo speleologjia, edhepse kjo e fundit eshte diq me shume se sporti.
Fillet e para ne Kosove, ne kete lemi tejet interesante u bene diku ne vitet e 1960-ta, me hulumtimin e disa shpellave, sikur ajo e Radavcit, apo ajo e Gadimes, dhe me ndihmen e disa klubeve nga ish-jugosllavia. Populli une gjithemone ka pase ne dijeni keto shpella, por nuk kemi pasur mundesi qe ato ti hulumtojme. Ne aso kohe dega e speleologjise ka vepru ne kuader te klubeve bjeshkatare, si sekcion i veqant, por akoma edhe ne ditet e sotme veprojne ne kete menyre.
Si lami mjafte e gjere qe eshte, dhe ne kuader te perparimit te metutjeshem te speleologjise na lindi ideja qe te formojme edhe klubin apo shoqaten e pare zyrtare ne Peje dhe Kosove.
Kjo ide pasoi edhe pas disa trajnimeve qe patem pas lufte,gjegjesishte ne gusht te vitit 2002 nga nje ekspedite e instruktoreve nga Bergamo e Italise, gjegjesisht speleo-klubi "Orobico". Ndersa ne gushtin e vitit-2005 me iniciativen e disa speleologeve dhe alpinisteve si: Fatos Katallozit, Afrim Kelmendit, Mentor Bojkut dhe Haki Lekaj,etj u morr vendimi qe shoqata te kete emrin Aragonit, emer ky i nje minerali te ralle qe gjindet neper shpella.
Qe prej asaj kohe patem disa aktivitete, me disa ekspedita nga vendet e huaja, por ne nderkohe edhe e hapem kete faqe-interneti qe te mund te promovojme me tutje kete sport, dhe te aktivizojme edhe rinine tone ne kete shkence apo sport interesant, dhe shfytezojme rastin qe te therrasim te gjithe te interesuarit ne kete lemi qe te na kontaktojne me sygjerime, kritika, e me se shumti me informata per shpellat ne tere rajonin e Kosoves dhe me gjere.
Ju mirepresim...

Disa shenime mbi ligjin:

Projektligji per Mbrojtjen e Natyres, te dates Qershor/2004, Neni 21-Per Shpellat, Pika 2, thote si vijon:
-Hyrja ne shpella, eksplorimi dhe studimi i shpellave, behet me leje te Ministrise e cila jepet ne propozim te autoriteteve lokale perkatese, institucioneve shkencore dhe organizatave te specializuara jofitimprurese, ne perputhje me rekomandimet e tyre.
-Pika 3: Zbulimi i shpellave dhe rezultatet e eksplorimit te tyre i behen te njohura, me raporte te hollesishme Ministrise. Ministria, sipas nevojes u dergon kopje te raportit institucioneve shkencore, organizatave te interesuara jofitimprurese si dhe autoriteteve lokale perkatese.
Eksploruesve u njihet dhe u sigurohet e drejta e autoresise se zbulimit.
-Pika 4: Shpellat mund te vizitohen, te perdoren per qellime turistike ose te tjera, vetem pasi te jene pershtatur per keto veprimtari, me autorizim dhe nen mbikeqyrjen e AKMM, strukturave perkatese te turizmit dhe pushtetit lokal. Eksplorimi, hyrjet e autorizuara dhe gjdo perdorim i shpellave, duhet te siguroje mbrojtjen dhe pastertine e tyre, ruajtjen e mikroklimes, regjimit ujor, ekosistemeve, te tipareve gjeologjike dhe gjeomorfologjike, te gjetjeve paleontologjike e arkeologjike dhe te gjallesave.
-Pika 5: Qeveria me akt nenligjor percakton rregullat, kriteret dhe procedurat, te drejtat dhe detyrimet per dhenjen e shpellave ne perdorim. Pergatitja dhe perdorimi i tyre mund te behen nga subjekte publike ose private, te pajisura me pelqim mjedisor.
-Pika 6: Perjashtimisht, Qeveria me akt nenligjor, sipas propozimit te ministrit dhe perfaqesuesve te pushtetit lokal, mund te ndaloj shfrytezimin e shpellave nese konstatohet se vlerat e tyre rrezikohen.